Наука за стекнување богатство

Постои наука за стекнување богатство и тaа е егзактна наука, како алгебрата или аритметиката. Постојат одредени закони што управуваат со процесот на стекнување богатство – штом човек ги научи и почитува овие закони, тој ќе се збогати со математичка сигурност.

Успехот во животот е да станеш оној кој сакаш да бидеш; можете да го постигнете тоа само со употреба на ствари, а може слободно да користите ствари единствено доколку станете доволно богати за да ги купите. Затоа, да се разбере науката за стекнување богатство е најважното од сите знаења.

Каде и да има неизразена можност или неизвршена функција, постои незадоволна желба. Желбата е можност што бара да се изрази или функција која бара да биде извршена.

Постои материја што мисли од која се сочинети сите нешта и која, во својата првобитна состојба, проникнува, продира и ги исполнува меѓупросторите на универзумот.

Мислата во оваа материја го создава нештото што е прикажано од мислата.

Човекот може да формира нешта во неговата мисла и втиснувајќи ја таа мисла во материјата без форма може да предизвика создавање на нештото за кое размислува