Генетика на Синдромите на Дебелината

Низ целиот свет е општо познато дека дебелината е еден од најзначајните фактори што доведуваат до болест, па поради тоа е поле на голем интерес меѓу истражувачите и лекарите. Генетиката на вообичаената дебелината е комплексна. Важен пробив на тој лавиринт е проучувањето на генетските синдроми во којшто дебелината е главна компонента. Со испитување на генетските механизми кај овие синдроми на дебелината, авторите внесуваат нова светлина врз генетиката на вообичаената дебелина. Ова е прва книга во оваа значајна и возбудлива сфера. Ги опфаќа молекуларните и клиничките карактеристики на синдромите на дебелината, обезбедувајќи детални податоци за истражувачите, при што, воедно, претставува и практичен водич за лекарите што се грижат за дебелите пациенти.
Книгата е поделена на три дела. Во првиот се покриени пристапите за проценка и за испитување на дебелите лица. Вториот дел ги опишува недисморфните, моногени форми на дебелина, додека во третиот дел се документирани клучните, мултисистемски синдроми со различна генетска етилогија. Оваа книга е многу повеќе водилка отколку прирачник што ќе им служи на генетичарите, истражувачите на дебелина, ендокринолозите, нутриционистите и на медицинските биолози.
Случајност е што книгата, освен што има три дела, исто така, има тројца автори.
Филип Л. Билс е професор по медицинска и по молекуларна генетика и почесен консултант по клиничка генетика на детската болница ”Great Ormond Street”, во Лондон.
И. Садаф Фаруки е истражувач во лабораториите за метаболички истражувања при Институтот за метаболички науки во болницата „Аденбрук“, Кембриџ.
Стивен О’Рајли е професор во лабараториите за метаболички истражувања при Институтот за метаболички науки во болницата „Аденбрук“, Кембриџ.
За каква книга станува збор може да се долови од фактот дека е една од првите што детално ја покрива оваа исклучително важна тема. Претставува незаобиколна литература за секој што е заинтересиран за дебелината и за нејзините причинители.
За сите подетални информации во врска со содржината и со достапноста на книгата слободно пишувајте на medicina@arslamina.com.