Битието на Правдата

Ова е една инспиративна книга што ги продлабочува и ги проширува нашите гледишта кон правдата воопшто. Авторот, Алан М. Дершовиц, професор по право на Правниот факултет при Универзитетот „Харвард“, колумнист, предавач, литературен критичар и плоден автор, создал едно многу содржајно, но истовремено екстремно провокативно дело кое ги рабранува мислите на секој читател. Низ текстот се открива како нашата заедничка традиција го оформила ставот кон современата правда и зошто сите ние сме постојано вклучени во бескрајната потрага за разделување на доброто од злото.
Книгата создава една поделба меѓу читателите, за и против. Вие, секако, треба да ја прочитате за да може да одредите во која група припаѓате. Да се дискутира за религијата од еден сосема поинаков, правен аспект, навистина е храбро. Може да бидете осуден, навредуван, пофалуван, сакан, омразен и што ли уште не. Мостот меѓу религијата и правдата постои, но некој минува преку него, а некој не. Ако сте верник, треба да ја прочитате оваа книга, ако сте правник, исто така, треба да ја прочитате оваа книга. А, ако сте и двете, тогаш веќе мора да ја прочитате.
За сите подетални информации во врска со содржината и со достапноста на книгата слободно пишувајте на publishing@arslamina.com.