Инженерски основи на моторите со внатрешно согорување

Ова издание претставува ажуриран и разбирлив преглед на термодинамичките процеси што се случуваат во еден мотор со внатрешно согорување. Се разгледуваат мотори со компресивно палење (од најголемите бродски мотори, па сé до најмалите што се користат кај алатките и кај играчките) и мотори палени со искра (двотактни и четиритактни мотори). Посветено е внимание и кон најновата автомобилска технологија како што се хибридните возила, системи што работат со висока волтажа и електронските вентили. Разгледани се погонските горива, процесот на согорување, пренесувањето на топлина, подмачкувањето и механиката на флуидите.
Авторот Вилард В. Пулкрабек (професор на Одделот за машинство при Универзитетот „Плејтвил“ во Висконсин, САД) има за цел во оваа книга да ја отслика секогаш напредната технологија на моторите со внатрешно согорување со користење посовремени материјали. Со тоа создаде еден модерен учебник што ќе им користи на студентите, но и на сите професионалци како дополнителна литература.
Корисниците на оваа книга треба да имаат на ум дека мноштвото математички формули и друга техника литература се само модели на она што се случува вистински. Со овие модели често може да се решат многу технички проблеми, но не би требало да се користат надвор од нивниот реален опсег. Мора да ги разбереме основните концепти, но никако не би смееле да се оградиме од нивните еволуциски подобрувања.
За сите подетални информации во врска со содржината и со достапноста на книгата слободно пишувајте на publishing@arslamina.com.