Прагматика: Јазик и комуникација

Прагматиката е релативно нова научна дисциплина која го проучува јазикот од гледна точка на неговите корисници. Запознавањето со прагматиката го продлабочува разбирањето за природата на комуникацијата и ја подига свесноста за начините на користењето на јазикот. Поимите и темите обработени во оваа книга се актуелни и се постапно и јасно претставени, а се користат примери од автентични ситуации во македонската средина. Затоа оваа книга, која е прва и засега единствена од ваков вид во македонската наука, нуди можност да дознаеме повеќе за нашата култура и менталитет, но и за начините на комуникација во нашето општество. Книгата е наменета и за стручната и за пошироката јавност. Особено е корисна за студентите кои студираат јазици и други хуманистички дисциплини, но е соодветна за читање и за сите што се интересираат за јазикот и комуникацијата. Таа може да најде широка примена: на лингвистите ќе им помогне да ги определат рамките на нивните прагматички истражувања, а на обичните читатели ќе им појасни зошто некои работи ги кажуваме така како што ги кажуваме.