Сржта на веб програмирањето

Ова прекрасно издание ви нуди практичен преглед на развивањето веб со HTML, CSS и Јава скрипт технологија, стручна покриеност на J2SE^TM 1.3, Swing, Java 2D API, RMI и JDBC, техники за брз развој на серверскиот дел со JSP и XML, стотици реални примери на код со целосни апликации. Со купувањето на оваа книга добивате стручен водич за сите технологии што треба да ги познава еден веб-развивач со што се добива еден корисен ресурс за искусни веб-програмери.
Сето тоа е благодарение на авторите Марти Хол и Лери Браун. Марти е Сениор компјутерски научник во лабораторијата за применета физика при Универзитетот „Џон Хопкинс“, а Лери е мрежен инженер во Армијата и професор по сервер и по веб-програмирање за вонредни студенти по информатика при Универзитетот „Џон Хопкинс“.
Оваа книга се користи на сите престижни универзитети што имаат катедри по информатика. Дадени се најважните пристапи и предупредувања за највообичаените стапици. Ви даваме и еден совет: Никој не станал одличен развивач само со читање, туку мора да се напише и некој реален код. Во секоја глава има предлози за правење едноставни програми или варијанти од дадените примери, а потоа да продолжите со сопствени сили кон посериозни проекти. Деловите за кои во моментов не сте подготвени да ги користите ви советуваме само да ги прелистате, а потоа кога ќе бидете подготвени вратете се за да ги совладате. Ви посакуваме успешна работа!
За сите подетални информации во врска со содржината и со достапноста на книгата слободно пишувајте на publishing@arslamina.com.