Економија на несовршениот свет: Есеи во чест на Џозеф Е.Штиглиц

Уредниците на ова издание, Ричард Арно, професор по економија на Бостонскиот колеџ, Брус Гринвалд, професор по финансии и по управување со актива на Катедрата за финансии и економија при Факултетот за бизнис на Универзитетот Колумбија, Рави Канбур, професор по светска економија на Универзитетот Корнел и Бери Нејлбаф, професор по менаџмент на Факултетот за менаџмент при Универзитетот Јејл, му ги посветија овие есеи на Џо Стиглиц во чест на неговиот 60. роденден. Инаку, Џозеф Е.Стиглиц е добитник на Нобеловата награда за економија во 2001 година, како признание за неговите пионерски истражувања во областа на несовршените информации во економијата.
Со својата големина и обем оваа значајна книга претставува соодветно признание за извонредната кариера на Џо. Со својот впечатлив квалитет и длабочина, како и со впечатливата листа на автори, таа претставува своевиден празник за економските теоретичари. Во првиот дел од книгата се разработува темата за несовршените информации, а во вториот за макроекономијата, јавната економија и за равојот. На прв поглед станува чудно дека има потреба од развој на нова економија на несовршениот свет. Дури и користењето на терминот „несовршеност“ стои во контрадикција со најчесто користениот термин „совршеност“, кој се анализира во нашите учебници – совршена информација, совршена конкуренција, итн. Ова било вистина пред 45 години кога Стиглиц го започнувал своето економско образование. За жал, тоа е сè уште случај со многу учебници, иако сè почесто се појавуваат исклучоци. Тоа е поради фактот, зад кој Џо цврсто стои, дека во политиката анализираат и даваат совети користејќи се со совршените информации од тие учебници, наместо да ги црпат од реалниот несовршен свет во кој живееме.
За сите подетални информации во врска со содржината и со достапноста на книгата слободно пишувајте на ekonomija@arslamina.com.