Ајде да ти раскажам

[:mk]Што треба да направиме за да бидеме среќни?

Според Хорхе Букај, за да тргнеме по вистинскиот пат треба да си одговориме на следните прашања: Кој сум? Каде одам? Со кого? Не треба патот да нè определува кои сме, ниту пак човекот кој нè придружува да одлучува каде одиме. По патот треба истовремено да се забавуваме и да научиме да го цениме она што го имаме, и ако е потребно да почнеме од почеток, да го направиме тоа без да престанеме да веруваме во себеси.

Тоа се лекциите што психотерапевтот Хорхе се обидува да му ги пренесе на студентот Демијан, дојден кај него да најде решение за своите животни дилеми. Тој добива одговори во облик на случки кои Дебелиот (тоа е прекарот на необичниот терапевт) ги црпи како од животот, така и од античките митови, од зен-мудростите, од народните и од суфи- приказните и од автори како Егзипери и Лафонтен.

Тие случки ќе ве трогнат, ќе ве насмеат или едноставно ќе ве натераат да се замислите, но едно е сигурно: нема да ве остават рамнодушни.[:en]Демиан е љубопитен млад дечко, кој што сака да дознае повеќе за себе. Потрагата по одговорите ќе го одведе до чудниот психолог Хорхе, кој ќе му помогне да се соочи со животот и да ги пронајде бараните одговори, на тој начин што секојдневно ќе му раскажува по една прикзна.[:]