Белодробна патофизиологија: Основи

Ова издание се фокусира на основите што мора да се знаат во врска со функционирањето на заболените бели дробови. Текстот нуди јасен и детален преглед на состојбите кај заболените бели дробови со акцент на структурата и на функцијата. Вметнат е и дел со прашања и со одговори, со цел да им помогне на читателите да ги применат и да ги подобрат своите знаења.
Новитети кон ова издание се поголемата вклученост на ракот и на инфективните болести, повеќе табели и објаснувања на сите одговори. Текстот е темелно ревидиран и обновен во повеќе делови како, на пример, во контролата на вентилацијата, патогенезата на астмата и на бронхоактивните лекови, вклучувајќи и тестови за вежба. Другите промени се во насока на подобрување на дидактичката природа на книгата.
Автор на оваа книга е д-р Џон Б. Вест, професор по физиологија на Медицинскиот факултет при Универзитетот „Сан Диего“ од Калифорнија.
Вредно е да се спомне фактот дека оваа книга е една од најпродаваните во својата категорија. Таа, всушност, претставува еден вид мост меѓу претклиничките и клиничките дисциплини. Наменета е првенствено за студентите што ја изучуваат патофизиологијата, но мора де се потенцира дека концизната содржина богата со илустрации им е од голема полза и на лекарите-специјалисти што се во близок контакт со респираторната медицина (на пр., анестезиолози, кардиолози и др.) како и на останатиот медицински кадар (на пр., сестри од интензивна нега и физиотерапевти специјализирани за респираторни заболувања).
За сите подетални информации во врска со содржината и со достапноста на книгата слободно пишувајте на medicina@arslamina.com.