Долгата Суша

За својот прв роман „Долгата суша“ (2006) Кинан Џонс е добитник на наградата „Бети Траск“ на британското Здружение на писатели. Во романот е раскажана современа приказна за фармерот Герет и неговото семејство, кои со љубов и емотивна грижа им се посветуваат на домашните животни. Сочувствителна, но не и сентиментална, оваа извонредна книга на Кинан Џонс го обработува парадоксот на емотивната изолација кај оние кои живеат блиску еден до друг, со спротивставените и испреплетени потреби и сè поголемиот јаз меѓу себе. Кинан Џонс (1975) е еден од најактуелните современи велшки писател. Во 2013 година влезе во потесен избор за наградата за најдобар расказ на „Сандеј тајмс“. Неговиот последен роман, „Копање“ (2014), беше прогласен за книга на годината во Велс во 2015 година и ја доби наградата Jerwood Fiction Uncovered. Неговите дела се преведени на повеќе јазици, меѓу кои на француски, германски, италијански, шпански, португалски, турски, арапски и др. Во 2017 година романот „Копање“ беше објавен на македонски јазик од „Македоника литера“.