Едно

Според авторот, науката и музиката претставуваат начин на размислување којшто ја разоткрива и дискредитира лажноста и шупливоста на многу митови, идеи и верувања, ја поттикнуваат љубопитноста, инспирираат и не мотивираат храбро и бестрашно да чекориме кон непознатото. Кон самиот крај, авторот изложува претпоставка која вели дека за време на достигнување на определени технолошки придобивки, музиката целокупно ќе ја измени својата цел и примена, па дури и сосем веројатно ќе исчезне. Но не поради недостиг на музички идеи, туку поради склоноста и потенцијалот да создадеме далеку понапредно суштество од нас самите. Авторот потенцира дека според тековниот научен прогрес, разумно е да се претпостави дека во иднина ќе бидеме толку драстично изменети, така што тоа поскоро би бил еден сосема нов вид, навидум сличен на човекот денес. Сепак, музиката ќе остане културен артефакт, но, бесмртен артефакт кој ќе говори за она што сме биле и чувствувале некогаш. Ваквата хипотеза ќе биде детално истражена, аргументирана и изложена во наследникот на „Едно“.