Московска сага

Издавач: Матица Mакедонска | Јазик: Македонски | Година: 2012
Оригинален наслов: Snowdrops | Бр. на страни: 224 | Димензии: 21 cm | Корица: /

Ова е книга преку која ќе добиете јасна слика за изгледот на Москва и на сѐ она кое се случува таму, за сите измами и поткупи. И да не заборавам една важна работа, преку овој роман ќе го дознаете и второто значење на зборот кокиче.

За сите нас тоа е само растение кое со својот цвет е предвесник на пролетта, но во Москва со тој збор се означува и московскиот сленг, т.е. мртово тело на човек кое лежело затрупано или скриено под зимските снегови и се појавува со нивното топење.

Приказната започнува со исповедта на Никола Плат, адвокат од Лондон кој работи во Москва. Тој својата приказна најверојатно ѝ ја раскажува на својата свршеница, но ја пишува на парче хартија за полесно да може да се соочи со неа.

Еден ден сосема случајно, барем Ник верувал дека е така, во подземната станица ги запознава Маша и Катја, двете сестри, всушност братучетки, кои тој ги спасува од наводна кражба. Од тој миг тој започнува да се дружи со нив, но и да се вљубува во заводливата Маша. Ник се запознава и со Татјана Владимировна, жената за која верува дека е тетка на двете сестри. Но подоцна открива дека всушност тие не се роднини, а Маша и Катја со неа се запознале во подземната станица, на истото место каде започна и целиот пресврт во неговиот живот.

Татјана сака да се пресели во нов стан, а за сета документација е задолжен Ник. Маша вешто ги користи своите способности и од Никола добива сѐ што ќе посака. Неговиот сосед е загрижен за својот пријател кој изненадно изчезнува, а кога Ник се обидува да дознае нешто повеќе за тоа, добива предупредување дека колку помалу знае за таа работа толку подолго ќе живее.

Кои се всушност Маша и Катја, кој е Козакот, кој е Степан Михаилович? Читајќи најпрво добивате чувство дека се работи за една сосема површна приказна за секојдневниот живот на Ник, но колку повеќе навлегувате во приказната толку повеќе ја сфаќате суштината и тежината на ова дело. Дали љубовта може да нѐ заслепи и да нѐ направи слаби, да заборавиме на своите морални вредности и принципи?
Рангирано 5 од 5 според 4 рејтинзите на корисниците
(1 оценка на корисник)

Цена: 483 ден

Распродадено

Извести ме кога производот ќе биде на залиха

Спореди
Продавач Матица

Report an abuse for product Московска сага

Категорија:
ИСБН: 512532951

1 оценка за Московска сага

  1. Rated 5 out of 5

    Ивана Србиновска (верификуван корисник)

Додади оценка

Вашата адреса за е-пошта нема да биде објавена. Задолжителните полиња се означени со *

Questions and Answers

You are not logged in