Органска хемија, Збирка прашања и задачи со тестови (за трета година гимназиско и втора година средно)
Автор:
Слоботка Алексовска
,
Киро Стојановски
Издавач:
Арс ЛАМИНА |
Јазик:
Македонски |
Година:
2019
Оригинален наслов:
Органска хемија, Збирка прашања и задачи со тестови (за трета година гимназиско и втора година средно) |
Бр. на страни:
212 |
Димензии:
205x285
|
Корица:
/
Ова издание на Органска хемија, збирка прашања и задачи со тестови претставува надополнување и проширување на Националната програма по хемија за III година гимназиско и II година средно стручно образование. Има цел на учениците да им помогне полесно да ги совладаат основните концепти од органската хемија, но и да ги прошири нивните знаења. Освен во редовната настава по хемија, оваа збирка може да послужи и за подготовка на матурски испит по хемија, квалификациски испити за упис на факултет, натпревари по хемија и др., како и да им даде помош на наставниците околу подготвувањето на часовите за повторување на знаењето и за оценување. Секоја од темите опфатени во оваа збирка почнува со кратко теоретско резиме, по што следуваат многубројни решени примери што се состојат од детални одговори и решенија, вклучително и комплетни методолошки упатства што му помагаат на ученикот да ги сфати сложените концепти во органската хемија. Следниот дел, Прашања и задачи за вежбање, се состои од четири типови задачи од затворен и од отворен тип (прашања за дополнување, прашања и задачи со повеќечлен избор, прашања за кои се бара да се изведе заклучок дали се точни или не и, на крајот, прашања во кои ученикот е соочен со конкретни барања). Оваа збирка содржи и по два теста за проверка на знаењето на учениците за секое од тримесечјата, полугодијата, како и годишен тест (вкупно 14). Прашањата, задачите и тестовите се составени од истакнати домашни автори со долгогодишно работно искуство во наставата, а со тоа ова издание на збирката станува незаменливо помагало во наставата по хемија во средното образование.
Оценки
Сѐ уште нема оценки.