Право на институциите на Европската унија

Жак Пертек е вонреден професор по јавно право на Универзитетот „Жан Мулен“ од Лион и претседател на Фондацијата за европски студии. Тој во оваа своја книга го презентира институционалното право кое го регулира фукционирањето на институциите и нивните меѓусебни односи. Интеракциите меѓу државите членки и нивните институции и органи се регулирани не само во процесот на донесување одлуки туку и преку правила што се однесуваат на нивната органзицаиска и правна поставеност. Самите институции и органи не се сфатени само како деривати на правото, туку и како учесници во процесот. Сето ова води кон потреба од поголемо внимание кон актерите што од ден на ден добиваат сè поголемо значење – граѓаните. Во годините што доаѓаат оваа тема ќе станува сè поголем предизвик и ќе треба да се практикува постоењето на демократскиот живот во ЕУ, а не само да се дебатира за него.
Книгата се препорачува за сите што се интересираат за ЕУ и за нејзината функционалност. Информациите се презентирани во четири дела: Педесет и пет години интеграција на заедницата, унија од 25 држави и предлог-договорот за конституирање од 2004 година, фактори на европска интеграција и уставна повелба.
За сите подетални информации во врска со содржината и со достапноста на книгата слободно пишувајте на publishing@arslamina.com.