Скици од Венеција

2001 година…

Каролин Грант се бори со прифаќање на крајот на својот брак, кога ќе добие неочекувано наследство. Нејзината сакана баба Лети ѝ остава два блока и три клуча, а со последниот здив изговара: “Венеција”. Задачата на Каролин е да ја расфрли пепелта на баба ѝ Лети во градот што таа го сакала, но и да открие тајни стари повеќе од шеесет години.

1938 година…

Наставничката по уметност Џулиет – Лети Браунинг пристигнува во прекрасната Венеција. За нејзините ученици, овој град е богата ризница од историја, уметност и убавина. Но, Лети гледа во Венеција незаборавни спомени и можност повторно да го пронајде Леонардо да Роси, човекот на нејзиниот живот, чијашто иднина е предодредена од неговата благородничка крв. Но, и покрај должностите на Лео, огнениот виор на нескротливата љубов ги обзема нивните срца. Сѐ додека заканата од војна не ја опколи Венеција и не ги принуди Лео и Лети да се борат за своите животи, чувајќи ја тајната што ќе ги спои засекогаш.