Бароновиот завет – Д. 1

Историски роман, со наративни ефекти од воени, љубовни и духовни страданија, низ важни собитија и личности на Европа - од Екатерина Велика и Марија Терезија, па до Бонапарта и Романови. Се нижат и имиња како на Клаузевиц, Радецки, Ротшилд, но и на Македонци за кои кај нас не е баш пишувано, а оставиле белег по земјите каде се нашле. Романот е сплет од настани, и ликови околу главниот - Константин фон Белио -„Македонецот", вивнат на сцената како голем банкар и барон, а стасувајќи како бегалец од Македонија (Костурско) во Виена, каде и денес му се наоѓа гробот. Од љубов кон родната Македонија, нејното име го зема до своето, а остава и богато завештание, (од што и името на романот). Иако романот е историски, пулсира со живост, крева и емоции на љубов, радост и таги, а изобилува и со духовни поуки; со псохолошки размисли, и животни филозофии. Ако ова е првиот дел, кој повеќе е „костур" на приказната, вистинските заплети и расплети следуваат во останатите два дела кои циклично одгатнуваат и загатнуваат нови „откровенија", (романот е трилогија).Тој покренува видици и размисли, важни за ова време и нас како народ.