Во друштво на куртизаната

Приказна за желбата и измамата, гревот и религијата, лојалноста и пријателството, која го отсликува портретот на еден од најголемите градови во светот, во најистакнатите моменти од неговот постоење низ историјата.

„Во друштво на куртизаната“ е епски роман на писатлеката Сара Дунант, кој го опишува животот во Италија, за време на перодот на ренесансата. Избегнувајќи го опустошувањето на Рим, во 1527 година, куртизаната Фиамета и нејзиниот џуџест придружник Бучино, со проголтаниот накит во нивните стомаци се упатуваат кон Венеција – треперливиот град израснат над вода, кој прераснува во главна трговска дестинација помеѓу истокот и западот.

Фиамета и Бучино успеваат да влезат во градот со голема доза на храброст и лукавство, каде отпочнуваат совршено партнерство. Остроумното џуџе и неговата енергична господарка, тренирани за заведување уште од своето раѓање, започнуваат „бизнис“ со забавување и задоволување на богати луѓе.

Но како богатството се зголемува, совршенството на нивното партнерство почнува да се распаѓа, поттикнато од страста на еден љубовник кој сака нешто многу повеќе од формално посветените ноќни авантури. Сепак, најголемите искушенија за Фиамета и Бучино доаѓаат од една млада, хендикепирана и слепа исцелителка, која се вовлекува во нивните животи, притоа предизвикувајќи им несакани последици.