Даровите на светот

Поетската книга „Даровите на Светот“ од бугарскиот автор Антон Баев има поднаслов „Нови апокривифи“ кои на читателот му навестуваат дека ова не е обична книга. Поетската книга на Баев има религиозна содржина, па на тој начин навестува едно поинакво, нетипично читање на поезијата денес. Оваа интересна книга има религиозна содржина, но и митолошки елементи, во кои е вклучен историскиот дискурс. Поетската книга „Даровите на Светот“ е составена од два дела и воведна песна на самиот почеток од книгата. Првиот дел содржи 26 песни, а вториот дел содржи 30 песни. Стихозбирката има вкупно 1550 стихови. После песните и двата циклуси на поезија во книгата самиот автор има подготвено белешки, односно објаснувања за помалку упатените читатели за термините од религиозен карактер, кои ги употребува во својата поетска книга. На моменти авторот ни навестува и драматургија во неговите песни, емотивно обоени и силно сочувствителни врз читателот.