Џудо

Оваа книга претставува квалитетен и неопходен прирачник за изучување на џудото во сите негови аспекти. Дотолку повеќе, земајќи ја во предвид нејзината прецизност и јасност во презентација на основните и напредните техники. Значењето на оваа книга се лоцира во начинот на презентација, односно деталниот преглед на техниките потребни за стекнување на ученички (КЈУ) степени со сите неопходни елементи, називи и фази на нивно изведување. Исто така, во прилог на тоа на прецизен и таксативен начин е дадена и целокупната програма за мајсторски (ДАН) степени, со детално наведени техники и предуслови за нивно стекнување. Преку ова дело авторот дава сериозен придонес кон развојот на стручната и научна мисла за џудо и неговото афирмирање и популаризирање. На сите заинтересирани за овој благороден спорт и вештина, топло им ја препорачувам оваа книга, со цел да им послужи како апликативен прирачник, но и како инспирација за понатамошно откривање на тајната на Џудо техниките.