Испитување на конструкциите кај историските градби: Студија за технологијата за конзервација на згради, мостови, кули и фабрики

Станува збор за алатка со чија помош им се дава втора шанса за живот на историските градби. Очигледно е дека конзервацијата на постојните градби има економска и општествена вредност. Освен тоа, историските градби претставуваат одлична лабораторија за истражување на градежништвото, градежните материјали, проектирањето и на форензичкото инженерство.
Без да се оптоварува читателот со непотребни пресметки, во книгата се дискутира за улогата на градежниот инженер во процесот на евалуација и конзервација од аспект на безбедноста на конструкцијата и нејзина анализа. Авторот дава неколку примери за конкретни студии на случаите за градбите како што се: зградата „Монтаг“ и „Ватуга хол“, црквата „Света Хелена“, „Маркет хол“, поместување на црквата „Свети Филип Моравски“ и светилникот „Кејп Хатерас“, дрвената конструкција на „Бар таун“ и „Хаупт“, покриениот мост „Корниш“, аквадуктот „Тохикон“ и други. Во секоја студија се дава опис на проектот и на неговата историја, проценката на условите, градежна анализа, разни дискусии, препораки и опис на изведените интервенции, збогатен со фотографии и цртежи.
Дејвид С. Фишети е градежен инженер со 40-годишно искуство во градежништвото. Претседател е на „ДЦФ инженеринг„ од Кари, С. Каролина.
Со ова свое дело сака да даде личен придонес во спасувањето на старите објекти од уривање и да им помогне на сите градежни инженери и други лица што се инволвирани во проектите за оспособување на историските градби.
За сите подетални информации во врска со содржината и со достапноста на книгата слободно пишувајте на arhitektura@arslamina.com.