Историја на Македонија

„Историја на Македонија“ од Павел Шатев е објавена како прв том од оставината на Шатев, чии трудови досега речиси воопшто не се објавувани во Република Македонија. Со неа Шатев се легитимира за првиот македонски интелектуалец историограф кој ја користи научната методологија и кој пишува историја на Македонија. На историјата на Македонија Шатев ѝ се посветил последните години од својот живот, користејќи и цитирајќи релевантна светска литература.Книгата содржи три пообемни труда кои ја опфаќаат речиси интегралната историја на Македонија и претставуваат првата покомплетна Историја на Македонија, напишана од еден македонски интелектуалец се: 1) Македонија низ вековите. Македонија во древноста, средниот и новиот век; 2) Доаѓањето на Турците на Балканскиот Полуостров. Ропство под владеењето на турските султани (пишуван во 1944 година во затворот во Ќустендил) и 3) Врховизам и централизам-федерализам. Два светогледа, два концепта.На крајот на книгата, како прилог, е објавена и македонска хронологија изработена од Шатев, а која го опфаќа периодот од 1878 до 1903 година.