Казнено право

Клаус Роксин, професор по право на Универзитетот во Минхен, за својата книга вели: „Делото ‘Провери го своето знаење – Казнено право’ го издадов за првпат во далечната 1967 година и досега има многу изданија кои ги користат многубројните генерации на студенти како омилено и основно помагало при нивното учење. Ова 16. издание не е мое, туку е обработка на мојот колега, пријател и поранешен студент Ханс Ахенбах. Со големо задоволство му го препуштив понатамошното издавање на книгата. Од една страна, јас, речиси, сета енергија ја трошам на опширни презентации за материјалното казнено право и не ми останува доволно време внимателно да ја уредам литературата за процедуралното право, а од друга страна, пак, Ханс е експерт за казнено право, кој и како мој асистент, а подоцна и професор, даде придонес со своите вредни совети и навистина многу работеше на подготовката на оваа книга. Ахенбах, во секоја смисла на зборот, претставува мој соодветен следбеник. Додека ја читав неговата обработка, сфатив дека материјалот го модернизирал во мој стил и со голема умешност. На книгата што го носи и неговото име ù посакувам успех каков што имаа сите претходни изданија“.
Содржината на книгата се базира на 521 прашање и на исто толку одговори со цел преку практични примери да се совлада материјата од казненото право. Ова е одличен ресурс за секој студент по право и незаобиколна литература за сите што имаат допир со правната проблематика.
За сите подетални информации во врска со содржината и со достапноста на книгата слободно пишувајте на publishing@arslamina.com.