Кратка османлиска историја за секого

Во оваа книга, авторот Ерхан Афјонџу на популарен начин изнесува интересни податоци од османлиската историја, кои се резултат на академски истражувања. Според авторот, академските историчари стојат настрана од популарната историја, оние, пак, кои ретко пишуваат во овој жанр, употребуваат неразбирлив јазик и нивните дела не допираат многу до јавноста. Ерхан Афјонџу е еминентен турски историчар и универзитетски професор, чија специјалност е османлиската историја. Негови најистакнати дела се: „Привидението на Османлиите“ (Osmanlı’nın Hayaleti, 2005), „Водич за истражување на османлиската историја пред Танзиматот“ (Tanzimat Öncesi Osmanlı Tarihi Araştırma Rehberi, 2006), „Одмаздата на Тро- ја“ (Truva’nın İntikamı, 2009), „Обетката на Јавуз“ (Yavuz’un Küpesi, 2010), „Сулејман Величествениот“ (Muhteşem Süleyman, 2011), „Османлиската Империја преку прашања и одговори“ (Sorularla Osmanlı İmparatorluğu, 2011), „Лажниот месија“ (Sahte Mesih, 2013), „Последниот светски поредок“ (Son Dünya Düzeni, 2014), „Мавзолејот на Сулејман-шах“ (Süleyman Şah Türbesi, 2015) и Ќосем − Величествената мајка-султана (Muhteşem Valide Kösem Sultan, 2015). Делата на Ерхан Афјонџу се преведени на англиски, германски, кинески, српски, македонски, албански, романски, корејски и арапски јазик.