Податочни и компјутерски комуникации

Ова издание нуди јасен, севкупен и унифициран преглед на податочните комуникации, вмрежувањето и протоколите. Авторот успева едно обемно четиво да го претстави со мали разбирливи елементи, со чиешто поврзување се добива една комплетна слика за тековните достигнувања.
Вилијам Сталингс е шесткратен добитник на наградата за најдобра книга од областа на компјутерските науки и од компјутерскиот инженеринг. Со своите дела има дадено уникатен придонес за подобро разбирање на техничките решенија применети во компјутерските мрежи и архитектури. Моментално работи како независен консултант.
Новитети во ова издание се:

-          дополнување на прегледот за гигабитен Етернет

-          дополнување на прегледот за безжичните локални мрежи WiFi/IEEE 802.11

-          ново поглавје што ја разработува безбедноста

-          нова опширна разработка на мултимедијалното вмрежување

Книгата е наменета за академска и за професионална публика. Разработени се темите за: податочните комуникации, регионалните мрежи (WAN), локалните мрежи (LAN), Интернет и транспортните протоколи и интернет-апликациите. Покрај основните принципи и пристапи кон дизајнот на специфичните потреби за комуникација, содржани се и сите актуелни стандарди што се од витално значење за континуираниот развој на оваа област. На крајот од секое поглавје се наоѓаат задачи и препораки за дополнителна литература.
За сите подетални информации во врска со содржината и со достапноста на книгата слободно пишувајте на publishing@arslamina.com.