Прекажувањето изразено со минатите времиња во македонскиот наспроти бугарскиот јазик

Игор Станојоски е македонски лингвист и романсиер. Роден е на 23 мај 1979 година во Копенхаген. Дипломира во 2002 година во Скопје на Филолошкиот факултет „Блаже Конески“ на катедрата за македонски јазик со општа и компаративна книжевност како втор предмет под Б. Од 2003 до 2006 година и потоа во 2008/09 година работи на Националниот универзитетот во Лавов (Украина) како асистент на Катедрата за словенска филологија. Од 2005 до 2009 година работи на Шљонскиот универзитет во Катовице (Полска), каде што и докторира во 2009 година со одбрана на докторската дисертација на тема „Проблемот на интерференциите при изучувањето на македонскиот јазик во Полска и Украина“. Во 2009/2010 година работи на Масариковиот универзитет во Брно (Чешка). Избран е во звање насловен вонреден професор на Филолошкиот факултет на Универзитетот „Гоце Делчев“ во Штип. Автор е на повеќе книги од областа на лингвистиката и на романите "Гаргара", "Првиот универзитетски ден на мојата ќерка" и "Диссомнии".