Срцето е осамен ловец

Веднаш по објавувањето на Срцето е осамен ловец, Карсон МекКалерс станува книжевна сензација. Поради продлабоченото чувство за духовната изолација и емпатичните проникнувања во внатрешните животи на ликовите, романот се смета за нејзино најдобро дело. Дејството на книгата е сместено во триесеттите години на минатиот век, а во средиштето се наоѓа глувонемиот Џон Сингер, кој станува човек од доверба на жителите на едно гратче во Џорџија. Секој од нив копнее да избега од ограничениот живот што го нуди провинцијата. Мик Кели не може да воспостави комуникација со своето семејство зашто тие не ги споделуваат нејзината интелигенција и амбиција; Биф Бренон е осамен по смртта на жена му; црнецот д-р Коупланд е отуѓен и од семејството и од својата средина поради образованието и ставовите; Џејк Блаунт има радикални погледи на работите и е новодојден во гратчето. Кога глувиот придружник на Сингер ќе полуди, Сингер се преселува во куќата на Мик Кели, каде што наоѓа утеха во нејзината музика.