Светот на Станислав Лем

ЛЕМОЛОШКА РИЗНИЦА НА МУДРОСТА, ЕНЦИКЛОПЕДИЈА НА 2000 МУДРИ МИСЛИ И ЦИТАТИ од Станислав Лем: цивилизација, глобализација, итрина, човек, добро и зло, гордост, елемент, живот, смрт, свет, смеа … Искази на СТАНИСЛАВ ЛЕМ за повеќе од 1 000 поими од неговите книги и интервјуа, по повод годината на Станислав Лем – 100 години ЛЕМ (1921-2021). Оваа збирка ги содржи есенцијалните мисли на авторот чии книги достигнале вкупен тираж од над 30 милиони примероци и преводи на повеќе од 40 јазици во педесетина земји од светот. Македонското издание на оваа книга е дел од проектот „100 книги за 100 години од раѓањето на Станислав Лем“: https://lem2021.org/100-books/ Станислав Херман Лем (12.9.1921, Лавов – 27.3.2006, Краков) – мислител, философ, писател, футуролог, сатиричар, книжевен критичар. Во неговото творештво – книжевното и философското – постојат три главни теми врз коишто работел во текот на сиот свој живот: Космосот, Животот и Разумот, нивното Настанување и Еволуција, при што белетристиката често претставува илустрација на теоретско-научните размислувања. Oфицијален сајт: www.lem.pl