Европските големи сили и македонското прашање 1893-1909 година

Предметниов период од крајот на XIX и почетокот на XX век е посебно значаен период во поновата историја на Македонија во којшто беше предопределена иднината на македонскиот народ. Наспроти тогашниот (меѓународен) фактор европски Големи сили (денес „меѓународната заедница“ ЕУ и САД) беше Македонската ре- волуционерна организација која го организира, обедини и го поведе македонскиот народ во оружена борба за ослободување и создавање автономна држава Македонија. Тоа го покажа на дело со Илинден- ското сенародно востание. Наша примарна цел беше да ја претста- виме меѓународната констелација, посебно политиката и позицијата нa европските Големи сили спрема Македонија и македонското пра- шање. Користевме автентични службени (јавни и тајни) документи на владите на европските Големи сили (нивни билатерални и мул- тилатерални договори и спогодби), извештаи од конзулите во Ма- кедонија и од дипломатските претставници во нивните респективни престолнини и во балканските држави: Бугарија, Грција, Србија и Романија. Претставени се лични и службени известувања на конзулите. Со користење само на официјални документи е посведочена релевантноста на сето тоа што е претставено со аргументи засновани на неспорни факти.