Ѕид пред бескрајот

„Оваа збирка песни на М. Стефановски нема изгубено од својата актуелност, заправо дури сега ги покажува, во вистинско светло, своите рефлексии. Повеќето песни можат веќе да се читаат од гледна точка на современите собитија и околности во коишто се наоѓа македонскиот човек“ - Катица Ќулафкова

„Од првиот прочит ракописот на Стефановски се изделуваше со зрелоста на поетскиот пристап, со суптилноста на исказот и необичната сугестивност на опсесивните артикулации во неговите стихови. Тоа набргу по излегувањето на книгата, за мнозина неочекувано, му ја донесе престижната награда ’Браќа Миладиновци‘, по што авторот се вброи меѓу нејзините угледни избраници“ - Тодор Чаловски

„Исказот е густ, читлив, без злоупотреби на генитивната метафора, без примеси на баналност или конструираност, а онаму каде значенската компонента не е во состојба да предизвика прескочна искра на изненадување, благо се затемнува и се прекрива со превез на отмрна загадочност“ - Петко Дабески