Математика : прирачник за предучилишна возраст: 5-6 години

Овој прирачник е наменет за учење математика за деца во предучилишна возраст (5-6 години). Содржините се подредени според Програмата за рано учење и развој и се приспособени на возраста на децата.

Со помош на овој прирачник децата ќе се оспособат:
– за просторно ориентирање и за вербално искажување на односите меѓу предметите;
– да ги препознаваат цифрите од 1 до 5, да бројат до 10 и да поврзуваат количество со број;
– за класификација, компарација и серијација според боја, форма, големина, вид и род;
– за одредување и препознавање на временските релации;
– за воочување, препознавање и именување круг, квадрат, триаголник, топка и коцка;
– за проценка на количество и должина и проверка со мерење и со броење.

За полесно препознавање на барањата во задачите, на секоја страница има симболи што покажуваат што треба да се направи во задачата.

Преку активностите во овој прирачник се поттикнува формирање особини на личноста кај детето: иницијативност, трпеливост, истрајност, љубопитност, прецизност, како и задоволство од успешно решена задача.