Amazing Macedonia

Amazing Macedonia е луксузна монографија која се состои од книга и ДВД, наменета за презентирање на сето она од Македонија, кое може да се вброи под атрибутот Волшебно.
Taa го презентира она “Волшебното“ во Македонија, представено преку хармонијата на природното и културното наследство видено низ призмата на естетиката, експонирајки ги неговите универзални вредности. Разгледувајки го изданието вие имате можност да се движите низ просторот и времето преку кристалните фотографии,а музиката и автентичните звуци од природата се како втакени во неа. Легендите ненаметливо Ви укажуваат каде се наоѓате во просторот и во која епоха престојувате.
“Amazing Macedonia“ има цел да Ви го покаже дел и од она што можеби веќе сте го виделе, а сепак секогаш кога повторно ќе го сретнете, како одново да го откривате и му се воодушевувате.
Почнувајки од играта во оптичката стварност преку пештерите во кањонот Матка, мистиката на Мајката божица, танцот на Менадата, средбите на цивилизациите во Охрид, на Исарот во Марвинци, во  Стоби и Хераклеа, сликарската жетва изразена преку мотивите на фрескоживописите, душата на македонската жена - народните носии и накит, колоритноста на македонското поднебје и контрастите на природната убавина, дива, а сепак питома, е само мал дел од пријатните моменти кои можете да ги почуствувате, доживеете, разгледувајки го новото издание на "Amazing Macedonia".