Боите на самракот

Книгата БОИТЕ НА САМРАКОТ од Мирко Видоески е збирка со 20 раскази со фантастично-мистична содржина. Ова е книга за добрите духови и лошите луѓе, поглед на другата страна од овоземното, приказни обоени со боите на самракот. Еве што напиша во рецензијата за оваа книга познатиот македонски писател Јован Павловски: "Мирко Видоески убаво раскажува, фино се изразува, фасцинира. Понекогаш личи на новинарски стил, ама тоа не е и не мора да е некој особен грев на повеќе раскажувачи. И Достоевски и Хемингвеј биле критикувани за тоа. Современиот стил е обележје за сите раскази. Тоа од нив заедно прави една целина. Се на се: писмено, читливо, јасно!"
А писателот Јован Дамјановски во неговиот осврт кон книгата, меѓу другото напиша: "БОИТЕ НА САМРАКОТ за мене е книга за заробеност на умот и човечката душа со различни видови репресија, за откривањето на сликата на животот. Но, едновремено е провокативна и полемична. Овде треба да се нагласи дека авторовиот мотив е еруптивен, посебно во драматичното трагање по коренот и изворите на немирот. Мирко Видоески реално го опишува светот на бесмислата."