МАГНЕТИ Овошје

Кутијата содржи 24 магнети со илустрации на различни видови овошје од нашите и од далечните краеви што може да се најде во нашите продавници, 24 магнети со називите на овошјето на македонски јазик, и 24 магнети со називите на овошјето на англиски јазик. Комплетите од магнети можат да се користат во наставата и дома, на магнетни табли, но и на фрижидер и на сите феромагнетни површини. Погодни се за правење постери тогаш кога соодветната тема е актуелна, а на тој начин не се зазема голем простор на ѕидот, како што е случајот со класичните постери. Исто така, можат да се користат и за интерактивна работа со децата при класификација, именување на поимите на македонски и на англиски јазик. Многу се погодни за организирање друштвени игри и квизови, затоа што сликите и називите се поголеми од оние кај класичните друштвени игри и можат да се поставуваат вертикално поради магнетот, со тоа што ќе бидат видливи за поголем број деца. Другите комплети од серијата се изработени на ист или сличен начин и поголемиот број од нив даваат нови можности за користење, особено при класификациите и организирањето на друштвените игри.