На пат со времето

Содржината на делото е проткаена со лични доживувања на авторот, како и со сведоштва на бројни живи сведоци и го опфаќа времето од крајот на граѓанската војна во Грција па се до денешни денови. Низ документарен отслик, Наковски ги расветлува настаните и прикажува широка слика на судбоносните денови, а преку вткајување на судбините на одделни личности успева да ги протолкува внатрешните доживувања, траумите и страдањата кои стануваат збир на колективната трагедија. Без патетика, со едноставни описи ги опишува времето и луѓето кои се принудени да ги остават родните огништа и по разни патишта осакатени физички и психички да се прашуваат каде ги водат и каде им е татковината. Во ова возбудливо дело авторот говори за трагични настани поврзани со преселбите. Плипот од тревожни спомени проблеснува во оваа документарна проза, со автентичните кажувања на лица кои лично ја доживеале голготата на граѓанската војна во Грција. Раде Силјан