Најубавите басни од Езоп

Безвременските басни од Езоп кои во овие привлечни сликовници се вкупно по 17 на број - гарантираме дека не само што ќе го привлечат вниманието на децата, туку и со задоволство ќе ги замолуваат мама и тато или баба и дедо да им ги читаат, постојано ќе бараат тоа да го прават за нив, или, пак, за тие кои знаат да читаат - на овие басни ќе им се враќаат повторно и повторно и ...

Лакомата ласица, Волкот и овцата, Зајакот и желката, Враната и бокалот...и др. кај Езоп, се спакувани во модерно дизајниран концепт на сликовница, со впечатливи, крупни и стилизирани цртежи, со различни типови букви односно фонтови кои визулено ја прават сликовницата уште попривлечна и поразиграна. Ликовите на животните се весели, мили, а преку нив се отсликуваат одредени човекови особини или упатуваат на есенцијални пораки.

Се раскажува со лесен, ненаметлив и едноставен стил, речениците се кратки, јасни и содржат зборови кои се разбирливи за децата, а разиграниот и различен тип на букви и разиграноста на цртежите, и тоа како ги мами децата постојано да ги прелистуваат страниците.

Ова е неверојатна книга која ќе ги воведе децата во светот на Езоповите мудри басни.