НАНОНИЧЕ МЕТОД НА ЗАКОНОТ НА ВИСТИНАТА

Драг читателу, Ова е техниката која мене ми помогна да си го сменам животот на подобро и да добијам, сe што ќе посакам во животот. На наједноставен начин ги остварив моите соништа. Со искрена желба и ти да ја примениш, за потоа да живееш полетно, среќно и исполнето. Сѐ што правиш, го правиш најпрво за себе. Денес сети се на твојата света должност. Зошто си на оваа планета? Не стравувај повеќе од самиот себе. Твојата должност е денес да се засакаш себе си онака како што го сакаш Бога. Утрово сонцето го најави новиот ден кој беше иднина а веќе е минато. Утрешниот ден доаѓа како иднина и повторно ќе се случи истото. Затоа не заборавај што си вети и исполни го она што сакаш да стане твоја вистина. Ако знаеш што си денес ќе знаеш што можеш да бидеш утре. Биди среќа, биди љубов, биди светлина и биди што сакаш! Знај со сигурност во кој правец одиш. Од денес си токму тоа што овие седум дена го сонуваше со отворени очи! НЕ ЗАПИРАЈ ОВДЕ... Оваа техника на најбрз и наједноставен начин прави промена во индивидуалната свест, при што се рефлектира и на колективната свест од нашето опкружување. Доколку во една држава започнат да го користат 4% од луѓето овој метод, на пример во Македонија 90.000 луѓе, ќе се постигне успех кој неминовно таа земја и народ ќе ги направи први меѓу првите. На сличен начин, Јапонците по Втората светска војна ја променија колективната свест и Јапонија стана една од најмоќните земји на светот, на финансиско, економско и на духовно поле. Да пробаме. Нема што да изгубиме, може само да добиеме, индивидуално и колективно. Ти си на потег. Научи ти и научи ги оние кои ти значат, сите оние кои ги сакаш и почитуваш. Сѐ започнува од тебе, никогаш немој да го заборавиш ова златно правило: Сe што треба да сториш за да бидеш среќен, е да бидеш тоа што си!