Времеплов на бесконечноста

Најновата стихозбирка: „Времеплов на бесконеч- носта“ од Чедомир Б. Шопкиќ, е вoспев кон љубовта како централната поетска оска. Во широчините на поетскиот атлас на поетот Чедомир Б. Шопкиќ се отвора вратата на песната што трепери како ехо на бесконечноста. Клучен мост на градење на поетските микросвето- ви е љубовта како исконска сила и епифанија. За поетот Шопкиќ, меѓучовечката љубов и пиететот кон сите живи суштества на планетата е вечниот времеплов на беско- нечноста. Преку крилјата на љубовта, човекот се менува и го прави светот подобро место за живеење. И во оваа книга со поезија, поетот ни ја отвора широката поетска ам- плитуда на секогаш вечните теми и мотиви. Низ поетските бранови брануваат асоцијативните поетски илуминации. Шопкиќ ни порачува да го вреднуваме секој светол, - ѕвез- ден поетски миг во животот, како што е чистата капка вода на дланката на човекот-создател. Поетот е создавач на животот, креатор на идеите и креативните атоми кои оста- нуваат како трага во вечноста.