Бденија и виденија – антологија на македонската песна во проза

Оваа вредна и несекојдневна антологија првпат пред нашата и странска културна јавност го претставува овој интересен и возбудлив жанр, овозможувајќи им на читателите ново читање и постојано уживање во креациите на песната во проза.  Бденија и виденија е прва антологија на песната во проза во македонската литература, наспроти околноста што овој лирски жанр во современата македонската литература е присутна најмалку од половината на шестата деценија од дваесеттиот век. Текстовите од овој хибриден лирски жанр ги обединуваат заедничките поетички елементи кои што ја прават поетска форма препознатлива и покрај нејзините сродни обележја, од една страна со песната во слободен стих, а од друга со најкусиот расказ. Во антологијата на едно место се застапени над педесет македонски автори, меѓу кои писатели од сите генерации, од најеминетните поетски бардови, па сè до најмладите, тукушто пројавени имиња. Антологијата содржи исцрпни биобиблиографски податоци за авторите и обемен поговор.