Битката

„Битката“ зборува за битката кај Асперн во 1809 година меѓу француската војска под водство на Наполеон и австриската империја.

Поделена во седум поглавја, секое поглавје всушност ги опишува настаните кои се развиваат во неколку дена, почнувајќи од подготовките за битката, самата битка и денот потоа.

Главниот лик во романот е Наполеон, претставен „како измамен, ненаситен силеџија, управуван од суета и омразен од неговите најблиски другари“. Дводневната битка е опишана во детали, вклучувајќи ги подготовките на Наполеон за битката, неговата избрзана и крајно катастрофална одлука за изградба на понтонски мост преку Дунав како и масовното убиство на стотици затвореници.

Вториот главен лик кој го воведува авторот е војникот и офицер Луј-Франсоа Лежон, преку чиј лик авторот ни го доловува однесувањето на Наполеон кон неговите подредени.

Колку неговата суетност, директно или индиректно, била негов сојузник или подобро кажано негов непријател?

Колку од неговите битки ќе завршеле поинаку доколку неговата суетност би била поинаква или воопшто би ја немало?