Да можеш да ме видиш сега

Елизабет е жена во чиј живот нема место за импровизација и случајности. Сѐ си има свое место и сѐ во нејзиниот живот е совршено и под контрола нема место за ништо друго.

Единственото нешто што не успева да го одржи под контрола, и кое постојано ја изненадува, е нејзината сестра Саоирс.

Елизабет постојано се труди да го средува хаосот кој Саоирс го остава зад себе.

Како постара Елизабет успеала да го одржи домот целосен кога ги напушта мајка им, а истовремено го продолжува и школувањето. Кога Саоирс го раѓа Лук таа повторно ја прифаќа улогата на мајка, и го напушта Њујорк за да се врати во Ирска и да се грижи за сестра си и внукот.

На шест годишна возраст Елизабета открива дека Лук има измислен пријател - Иван. Кога таа го среќава човекот по име Иван мисли дека тоа е таткото на некој од другарчињата на Лук, но не може ни да замисли дека тоа е всушност измислениот пријател Иван.

Неговото присуство во животот на Елизабет менува сѐ. Тој ја охрабрува Елизабет да го извлече детето во неа на површина, и да почне да се забавува, наместо постојано да се грижи за се во животот. И нејзиниот однос кон работата се менува.

Иван успеал да ја натера да почне самата да се разбира и на крајот таа им простува на сите оние кои допринеле предвреме да порасне и да созрее.