Мрднати Раскази

..Овие автори не може да се читаат во еден здив, туку би требало да разбереме дека ако прочитаме еден расказ ќе го восприемаме цела седмица. Поточно ако еднаш го прочитате расказот,ќе посакате да го прочитате уште еднаш и уште еднаш за да го восприемите целото богатство на изразувањето. Друго што може да се каже за овие автори е дека ни ја пренесуваат непроценливата вредност на изразот. Со еден збор ова е еден осврт низ повеќе минати, сегашни и идни времиња. Да се зборува за “Мрднати раскази“ претставува вистински предизвик. Можеби би требало малку да го размрдаме умот, зошто во денешницава ни е застојан. Кога би погледнале “одректум“ може и ќе се доближиме до суштината на кажаното. Да се опфатат сите раскази е невозможно затоа што секој расказ носи во себе уште неколку раскази, прикажани на еден необичен хумористичен начин, кој во себе содржи огромен цинизам. Сето тоа да се опфати, да се види би било возможно ако пред очите на умот ставиме лупа, или можеби подобро микроскоп зошто убавината ќе ја пронајдете токму во најситните нешта.