НЕ СЕ РОДИВ ПОД СРЕЌНА ЅВЕЗДА-ВЕРУВАВ

Роман-двигател на заспаната сила која ја поседувате во себе. Сила за која не сте ни свесни дека постои. Најслабите се најчесто најсилни, само треба некој да им ги отвори очите.

Станува збор за експлозија на голема љубов кон партнерот, на верба во себе  и силна самомотивација, испреплетена со живописна и интересна приказна за младата Стефани, пица мајстор во најмалечката пицерија во градот. Но зошто е најпосетена и како Стефани своите најголеми соништа ги претвори во реалност, откријте  низ страниците на овој роман, кој откако ќе го прочитате, задолжително ќе стане омиленото парче книга во вашата домашна библиотека.

“...а кога ќе здогледав авион кој лета пониско до земјата, трчав и викав - “Чичко пушти бонбонче” на цел глас.
Ама чичкото никогаш не ме слушна а јас секогаш останував разочарана,тешејќи се со помислата дека ги чува бонбончињата за гладните деца за кои кажуваат на вестите. Но тоа на некој начин и ме радуваше, бидејќи мислев дека сум богата и имам се што ми треба, чичкото кој го вози авионот го знае тоа и затоа секогаш ме одминува.

И бидејќи никогаш не добив бонбонче од чичкото а нема ни да добијам, тоа само ќе значи дека јас имам бонбончиња колку што ми треба, и секогаш ќе имам бидејќи сама ги заработувам и нема да секнат како оние кои чекаш да ти ги даде некој друг.”