Недопрени бисери

нигата „Недопрени бисери“ од Ленче Милошевска е збирка раскази и кратки приказни. Меѓу овие страници ќе се сретнете со најразлични реалистично опишани ситуации: отсечоци од некои минати, но не многу далечни простор-времиња, исполнети со неприкосновена храброст и саможртва; предмети што со своите функции побудуваат различни асоцијации кај различни ликови и ситуации од коишто како заклучок неминовно произлегува дека душевниот мир не може да го замени ништо; описи на семејни односи и динамики со кои се сретнуваме сите − посредно и/или непосредно; љубовта кон родниот град, кон луѓето и кон животните, со кои неретко се разбираме подобро отколку со некои луѓе и чијашто загуба, исто така, нè боли... ЛЕНЧЕ МИЛОШЕВСКА е поет, романсиер и преведувач. Работела како уредник во издавачките куќи „Култура“ и „Македонска книга“. Член е на ДПМ од 1999 година. Има дваесет книжевни преводи и две награди. Автор е на четири романи, една збирка раскази и пет стихозбирки.