Порта на солзите

Дејството во книгата започнува во четириесеттите години на минатиот век. Кога од манастирот во Индија во 1947 год. Игуменијата Шеси Џиваргизе Ама ги испраќа со брод калуѓерката Мери Џозеф и сестрата Анџели од Индија за Африка. На бродот се појавува треска и сестра Анџели го губи својот живот, а сестра Мери тука го запознава Томас Стоун и тие заедно се обидуваат да ја спречат болеста и да ги излекуваат болните од треската, на тој начин се разболува и Томас, а сестра Мери го лечи и успева да го излекува.

Потоа и двајцата работат во Етиопија, во Адиса А беба во болницата Мисинг. Заедно се добар лекарски тим, тој се докажува како врвен хирург, а таа како добар асистент. Но еден ден сите се изненадени кога сестрата Мери добива породилни болки и на свет донесува две машки деца, но за жал таа го губи својот живот. Скршен од болка др. Стоун исчезнува, а за малите деца се грижи доктор Хема која ги засакува и им е како мајка. Таа им ги дава имињата Марисон Стоун и Шива Стоун, но за жал децата се предвремено родени и малиот Шива има проблеми со дишењето. На Хема ѝ помага др. Гиш кој е заљубен во неа и набрзо тие четворица стануваат семејство.

Каков е животот на ова семејство и како растат децата, што сè им се случува во нивните животи, дали ќе се сретнат со нивниот вистински татко и каде сè ги води животот ќе ве оставам самите да откриете доколку се решите да ја прочитате.