Син нероден од жена

Дело натопено во готика за несфатливото насилство и зло што ги преживеала главната хероина, а раскажани од перспективата на различни ликови.

Дневникот на млада девојка ќе открие застрашувачки тајни за едно богато семејство од доцниот деветнаесетти век во Франција. Габриел е свештеникот во чии раце ќе стигне стравотната приказна на Роза која како четиринаесетгодишно девојче била продадена на некој богат човек од страна на татко ѝ за да може да ги прехрани другите три ќерки. Тргувана за грст монети, таа станува сопственост на новиот господар и без предупредување е одведена во нејзиниот нов дом. Изолираниот имот среде шумата ѝ изгледа како замок. Поради строгата мајка на господарот и неговата постојано отсутна сопруга, наскоро е уловена во перверзна мрежа, од која не знае како да избега и кому може да верува.

„Син нероден од жена“ е супериорно напишана хорор-приказна, по чие читање никој не останува ист. Вешто кормиларејќи низ комплексноста на желбата, злоупотребата, сочувството и издржливоста, Буис создал безвременски портрет на човечката природа, но и дело кое ни покажува колку е голема и чудесна моќта на книжевноста.