Диссомнии

Непредвидлива, мистична, на моменти морничава, но и исклучително топла исповед на еден 29-годишен писател. Писателот потекнува од Македонија, живее во Украина со својата свршеничка, новинарката Настја. И навидум сѐ е в ред со нивната љубовна врска: различни се, но одлично си се надополнуваат. Македонскиот живот на писателот е длабоко закопан во минатото, заедно со стравичната семејна трагедија. Една јануарска ноќ во 2014 година писателот добива порака од непозната девојка од Македонија. Од тој момент започнува да се лула „украинскиот брод“, кој десет години претходно се покажал како спасоносен. Дејството во вториот дел од романот се сели во испустено село во југозападна Македонија. Радио-емисијата Диссомнии и неочекуваните елементи од македонската народна митологија го префрлаат животот на писателот во нова димензија. Но, тука е Настја, која сосема ненадејно доаѓа во Македонија, за да претставува единствена сигурна нишка со реалниот свет. Или не? Диссомнии е политички, љубовен, фантастичен, хорор, интригантен… интелигентен роман со богато сиже и вешта фабула, со напнатост, неизвесност, непредвидливост, лукави перипетии и маестрални подведувања на читателот под вештата раскажувачка стратегија на авторот“ (О. Ќорвезироска).