Градина на љубовта

Приказната опфаќа две временски раздобја, од Рубенсовиот Антверпен до луда журка во Мајами. Извонреден, топло ироничен и забавен роман кој претставува приказна во приказна...
...Антверпен, лето 1625, ...Порано или подоцна секоја жена сфаќа за кого се омажила. Изабела Брант, сопругата на прочуениот сликар Питер Паул Рубенс, до тоа сознание дојде нешто подоцна од другите жени, па, според тоа, разбирливо е и дека нејзиното разочарување мораше да биде поголемо. Тоа се случи во незгоден час, токму кога Рубенсови му испратија љубезен одговор на нивниот голем пријател Николас Рококс, стариот градоначалник на Антверпен, дека задолжително ќе се појават на неговата забава. Всушност, мајското отворање на галеријата на Марија де Медичи во Луксебуршката палата во Париз, од каде што Питер Паул Рубенс неодамна се врати, ја разнесе славата на овој мајстор ширум барокна Европа...

...НОВ МИЛЕНИУМ ...Забавата, која сите со нетрпение ја чекаа, најпосле почна. Место на настанот овој пат беше Корал Гејблес, елитна општина во Мајами, додека сцената е сместена во домот на шармантниот градоначалник Ник Вилоуби, којшто никогаш не се запрашал зошто живее. Ник посака новиот милениум да го дочека во внимателно одбрано друштво, а тоа не можеше да се замисли без Пол Поборски, гениј за провокативни фотографии, чијашто искривен свет на црно-бело голи тела и остри агли одамна стана еден од брендовите на Мајами...