Синтеза

„Имаго, краен стадиум во развојот на една индивидуа, кај антроподите и амфибиите.“ Растејќи со татко пијаница и мајка скршена од тага, една девојка го поминува своето детство од 1980-те зјапајќи во телевизорот за да избега од напнатоста, депресијата и насилното однесување што го исполнуваат нејзиниот приградски дом. Откако победува на натпревар за модели, се посветува на тоа да стане мирно имаго на кое може да се проектира сè, празен лист со празен поглед. Заработувајќи доволно во Париз за да се пензионира во своите дваесетти години, купува студио во Монтреал и се повлекува од светот и неговите перципирани закани, негувајќи го своето постоење како имаго преку својот аватар во виртуелната реалност. Жорж укажува на отуѓено детство прикажувајќи ги опсесиите на поп-културата, жената во улогата на имаго, изолацијата во својот дом и светот на интернетот. „Синтеза“ е каталог на немирот на едно време, од нуклеарна војна до тероризам, од климатски промени до биолошка војна. Сместена во минатото и не многу далечната иднина на Монтреал, „Синтеза“ е застрашувачка приказна за угнетувањето, потиснувањето и бестелесноста.