Тивок оган гори

Лондон. Безживотното тело на маж е најдено на бродот на кој живеел. Очигледно е дека тука станува збор за брутално убиство, а кругот на осомничени се стега околу три жени. Лора е девојката со која жртвата Даниел Садерланд ја поминал последната ноќ. Веќе позната на полицијата, живее сама и без љубов. Некои дури би ја нарекле и опасна. Миријам е љубопитна сосетка која го открила телото и ја викнала полицијата, притоа криејќи по некоја информација. Порано некој ја украл нејзината приказна и никогаш не платил за тоа. Карла е тетка на Даниел. Во срцето носи неизлечливо страдање поради што никому не му верува. Знае дека и добрите луѓе се способни за ужасни дела. Трите жени кои не се познаваат, имаат нешто заедничко: во секоја од нив, од различни причини, тлее огорченост како жар под пепел. Колку долго можат да вријат тајните пред да експлодираат? Можеби за една од нив чукна часот да пронајде мир, во пламен да ги исправи неправдите. Затоа што невини или виновни, сите сме оштетена стока. А некои се оштетени доволно за да убијат.