Црвената смрт

Човек фатен во канџите на својата имагинација, таинствена порака што води до закопаното богатство, рибар кој се бори за својот гол живот соочен со неизмерната моќ на океанот, две мистериозни убиства во Париз - ова се само дел од таинствените и фантастични приказни собрани во оваа книга.Расказите на Едгар Алан По најчесто се чудни и мрачни и изобилуваат со голема доза на фантазија. Многу од нив раскажуваат за моќта на злото, за бездушноста на човекот и за мрачната страна на неговото постоење. Тој се нурнува во стравот и безнадежноста во мигот на соочувањето со смртта, во борбата помеѓу добрите и лошите страни во карактерот на младиот човек.Неговите приказни опишуваат еден свет облеан со ужас, кој доаѓа директно од неговиот вознемирен ум. Голем број од нив се засноваат врз неговите лични искуства на страв и неизвесност од несреќниот живот. Приказните од оваа збирка се можеби најдобриот пример за неговото пишување.